العودة   منتدى مكتب ركن الامانه للخدمات العامه > الاقـسـام الـخـاصـة بـمـكـتـب ركــن الامـانـه لـلـخـدمـات الـعـامــه > اسـتـراحــه اعـضـاء ركـن الامـانـه
 
   

قــصـائـد مـهـداة لـرجـل الاعـمال مـحـمـد هــادي الــعــلـوي اخر تحديث 1442/12/17 هـ

قــصــائــد مـهــداة لــرجل الاعــمـال مـحــمـد بـن هــادي بـن فــلاح الـسـبـيـق الـدهــيـمي الـعـلـوي الحربي اكثر من خمسه وسـتـيـن 65 قصيدة مدح خلال عشرين عام منذ عام

كاتب الموضوع ركن الامانه مشاركات 1 المشاهدات 40681 انشر الموضوع


إضافة رد
   
 
 
LinkBack أدوات الموضوع انواع عرض الموضوع
 
   
  #1  
قديم 01-Sep-2016
الصورة الرمزية ركن الامانه
صاحب المكتب
 
تاريخ التسجيل: Dec 2006
المشاركات: 72
افتراضي قــصـائـد مـهـداة لـرجـل الاعـمال مـحـمـد هــادي الــعــلـوي اخر تحديث 1442/12/17 هـ


قــصــائــد مـهــداة لــرجل الاعــمـال
مـحــمـد بـن هــادي بـن فــلاح
الـسـبـيـق الـدهــيـمي الـعـلـوي الحربي


اكثر من خمسه وسـتـيـن 65 قصيدة مدح خلال عشرين عام
منذ عام 1420 هـ حتى 1442/12/17 هـ


قــصـائـد مـهـداة لـرجـل الاعـمال مـحـمـد p_666f1ecl0.jpeg


قــصـائـد مـهـداة لـرجـل الاعـمال مـحـمـد p_1393s92wv0.jpeg
====

———

رجل الاعمال محمد بن هادي العلوي
يستضيف في مجلسة بمدينة بريدة قناة
الاماكن الفضائية في برنامج مجلس نشاما
بحضور عدد من الشعراء

https://youtu.be/qikZfskV0Rs

..................

‏يامحمد الهادي .. عوايدك وافي
‏ودون المواجب ترتكي للحمولي

‏ولاهي غريبه منك منهلك صافي
‏انتم حمول الخيل فعل ٍ وقولي

‏ما عشت في بيتك حياة الكفافي
‏تركض ورا الطالات بين الزحولي

‏يمناك مثل النيل عمق وضفافي
‏وسماحة أخلاقك وطيبك يهولي

الشاعر خلف محمد بن عتاق الفريد الفريدي

قــصـائـد مـهـداة لـرجـل الاعـمال مـحـمـد 515815731.jpeg

..................

دعاني الموقف على نضم الاشعار
سر ياقلم وكتب جزيل الكلامي
سلام مني عد همال الامطار
لمحمد الهادي رفيع المقامي
شرواك له حشمه وقيمه ومقدار
عندي وعند أهل الوفا والكرامي
فيك الحميه والوفا سر وجهار
لك ماقفٍ ماياقفونه هلامي
ولاهي غريبه حر من ماكر أحرار
مثلك نعده بالمواقف حزامي
شرواك راس المال ياواف الاشبار
رصيد بنك أهل الوفا والحشامي
وختامها من ريحة البن وبهار
أزكى تحيه والسلام الختامي
اخوك / مرسال عبيدالله بن ردمان الفريدي الحربي
1442/9/30 الاربعاء

------------




قصيدة الشاعر فواز مقبل الزحيفاني
مهداه الى محمد هادي السبيق العلوي
2021/1/21

https://youtu.be/Tbe67O6GTGo

.................

خاطره للشاعر عوض ناصر الفريدي
بتاريخ 1442/5/19 هـ


قــصـائـد مـهـداة لـرجـل الاعـمال مـحـمـد 263749969.jpg


https://www.youtube.com/watch?v=4Iw3...ature=youtu.be


............

قصيدة مدح من الشاعر محمد بن عبيدالله ابن ردمان الفريدي
بتاريخ 1441/2/21

https://youtu.be/pFzdCmlLjpo

------------

قــصـائـد مـهـداة لـرجـل الاعـمال مـحـمـد 285901201.jpeg
قصيدة مدح من الشاعر صالح بن عبدالهادي ابن فضلية العلوي الحربي بتاريخ 1441/2/21


قــصـائـد مـهـداة لـرجـل الاعـمال مـحـمـد p_1393fwu270.jpeg

----------


قصيدة مهداه لرجل الاعمال / محمد بن هادي
السبيّق الدهيمي العلوي الحربي

الا ياهجوس الشعر ماعاد به معذار ...
عن الموقف الغصاب والنيه النيه...

نوينا نشد القاف ونجاري الشعار...
على طرق جزلات البيوت الحماسيه...

لان الفرايد تنقطف قطفة النوار....
من الحاجر الي تنبته كل وسميه...

وانا لابغيت اطب في سوقها واختار ...
تجيني واجيها طوع هذي ورا ذيه...

وعلى مدحة الي كفو للمدح فيه زار...
يشوش شعر راسي ليا اوحيت طاريه..

من ربوعي الادنين ولا بعيد ديار....
ابا قوله ياحي راسه وياحيه ...

الاا ياحمول الخيل لاجاء نهار الثار...
ولا ياحمول الخيل لاثارت الهيه...

ولا ياحمول الخيل يامكرمين الجار...
عليكم سلامي كل صبح(ن) وعصريه..

ابثني عليكم بالمدايح خفى وجهار...
وابخصكم فيها والابيات حصريه....

لان الفعول كبار واهل الفعول كبار....
ولان المراجل ماتجي كذا عفويه...

تبي مثل ابن هادي محمد طويل اشبار...
يمينه على الطولات دايم رهاويه....

دهيمي عن دروب الردى معه صك اعسار...
حبال الردى عن طيب الفال مطويه...

شهر مثل حر(ن) مطلق سبوقه الصقار...
تسوقه ندارت عنفوان وهجوميه....

عيونه على الجزله يبيها وهي طيار...
لما عانق نجوم السماء للنجوميه...

وانا لو ابكتب بالسبيّق من الاشعار...
ماوفيت حربي(ن) تعزوى بحربيه...

لانه كفو وحقوقه الي علي كثار....
محمد عسى ماتنطفي ناره الحيه...

عسى الشايب الي عقبه ماتجيه النار...
وعسى له مع الحيين عقب(ن) وذريه...

https://youtu.be/yuMayAciXyQ

الشاعر / راشد بن عواد بن حصين
الحربي 1440/4/12


-----------



قصيدة اهديها للاخ محمد هادي العلوي الحربي /
سر يا قلم واختار زين التماثيل
وماينطق لساني فسجل جوابه
قافن صخرته مايجي فيه تعديل
قافن يسلي خاطر اللي حكابه
ينصاك يامحمد بزين التماثيل
ياللي بفعل الطيب كلن درابه
طيبك يابو هادي وصل شاطي النيل
وكل الجزيرة سهلها مع هظابه
انشهد انك ياولد نافل الجيل
وشربت جمن ما تكدر شرابه
لجيت في بيته لقيت الحلاحيل
وتسمع تفضل مرحبا ياهلابه
وتلقى الدلال مبهراتن من الهيل
وينطحك بالترحيب من حد بابه
يقلط القعدان ويقلط الحيل
ويقضي لزوم وحاجة اللي لجابه
لك منهجن ماينهجه بارد الحيل
ولنته من اللي يرتضون الغلابه
من لابة يوم اللقا تارد الويل
ستر العذارى يوم كانت حرابه
بني علي اهل السيوف المصاقيل
محزم ظفر شيبانهم والشبابه
اهل العلوم الغانمات المشاكيل
ذيابتن من روس ربعن ذيابه
قولي بكم يشف الصدور المعاليل
حيثك من اهل الطيب واهل الذرابه
وليا بنيت افصل القاف تفصيل
وكلن على قده افصل ثيابه
قلته وانا ماني بحاجة محاصيل
ولاني من اللي باع قاف وشرابه
وصلاة ربي عد ماسال من سيل
على النبي الهاشمي والصحابه
الشاعر محمد مهدي القحطاني
مدينة ابها 1440/3/8 هـ


-----------


هذه القصيده موجهه للاخ محمد هادي العلوي الحربي

الله على اللي برمجوله با الاقمار
اليا مشا راعيه ماهوب غادي

يرسم على الشاشه طريقه الياسار
ويعلمك ساعة وصول البلادي

و ليا لحق سرب المواتر مع القار
نصرن تماوج عنه شهب الحنادي

كنه طلق شباب لاشب الا نوار
من كف قرمن مايهاب الاعادي

فزاع نفاع" محنك وجبار
وعنده حلول المشكله شي عادي

سلام يا هداج ياواف الاشبار
يا الحر الاشقر يامجيب المنادي

حرا" مجرب من صواريم لاحرار
صيدك من الجزلات وقت الهدادي

بالمدح ماتوفيك جزلات الاشعار
كل المراجل قدها يابو هادي

اليا زهمك اللي عليه الدهر جار
كنك تقول ارتاح وارقا سنادي

انتم هل الفزعات صلفين الا شوار
وانتم هل العادات واهل الشدادي

وانتم حمول الخيل لاصار ماصار
لحرق الصوان خشم الزنادي

يوم الحرايب والمصايب ولاشرار
بالشلف تفتكون قطم التوادي

تخلي مضارب شلفكم سرج الامهار
لاجا المعاند في نهار الطرادي

وانتم هل الطولات في كل الاقطار
في معجم التاريخ علمن وكادي
1440/1/17 هـ
الشاعر / مساعد ضعيان البدراني الحربي

..............

قصيدة موجهه الى /
محمد بن هـادي السـبـيـق العلوي

ســلام مـنـي مـع تـحـيـه وتـقـديـر
لمـحـمـد الـهـادي زبـون الـعـزاوى
أليا نـخـيـتـه فـيه مـن سالم الـزيـر
وفيه من سيل الشعيب الـنـحـاوى
ليا نـصيـتـه ماخـتـلـق للـمـعـاذيـر
يـبـيـن لا ضـاعت بـغـيـره هـقـاوى
يـبـيـن مثـل طويـق والا كـمـا الـنـير
طـيـبـه مـثـل هـداج عـدّن رهـاوى
هيف السمين اليا لفوه الخطاطير
مـربـح الـتـجــار هـم والــشـواوي
راعـي دلالـن مولـمـاتـن مبـاهـيـر
قـدوعـهـن تمر الخـلاص الحساوي
دايـم وبــيــتـه مدهـلـن للـمـناعير
ذولا مــســايــيـرن وهــذا افــادوي
رجــلٍ كـريـم ولاحـسـب للمخاسير
كـريـم سـبـلا بـالـزمـان الـقـصـاوي
الاحد 1439/12/8 هـ 2018/8/19
الشاعر / سعود بن رجاء بن زقيحان
الــحــنـيـنـي الـحـربي ابـو مــاجـد


...........


قصيدة الشاعر خالد بن عوض بن ناصر الفريدي
في رجل الاعمال / محمد بن هادي السبيق العلوي
السبت 1439/11/22

https://youtu.be/fOBF3XTPyhI

.............

قصيدة الشاعر ندا حمود الطريسي
1439/11/9 هـ
https://youtu.be/IHlzu8XMqow

———-

قصيدة مهداة للاخ محمد هادي العلوي
1439/11/4

سلام يا رجلٍ فعوله كريمه
عقب الرجال اهل الوجيه المسافير

رجلٍ مواقيفه جداد وقديمه
وفعله مسجل في سجل المناعير

يامحمد الهادي علومك حشيمه
ودايم مواقيفك لها طابعٍ غير

اشهد شهادة حق ماهي ضليمه
المدح يزهى في زبون المخاسير

اللي مثل شرواك عرفه غنيمه
اليا نصيته زال عنك التفاكير

لك سيرتن بين العرب مستقيمه
ماهي بسيرة جامعين الدنانير

ناصر بن عبدالله بن طريس

............

محمد الهادي زبون الجلاليب
دايم مربح من نصا السوق بايع
راعي مضيفٍ فيه حل الاصاعيب
منصى الشيوخ ونور من جاه ضايع
الاعلامي / حويد الشعيفاني
1439/11/26 هـ

—————


قصيدة الشاعر / نايف محمد ابن رقوا الوهبي في رجل الاعمال محمد هادي العلوي

https://youtu.be/SIjhBnzXH1s

1439/10/13

—————-

يامرحبا يأم العيون المضاليل
بنت الحصان اللي طروقه مخلاه

يسعدك ربي فا الليال المقابيل
والله يفكك من صواديف دنياه

اهلك حمول الخيل ياصفوة الجيل
اهل الكرم والطيب والعز والجاه

تارد ركايبهم على شاطي النيل
ويدرا غضبهم في نهار المثاراه

يابنت من تنصاه روس الحلاحيل
محمد اللي تفعل الطيب يمناه

صميدعن توصف عليه الرياجيل
ياقل وقت اليوم مثله وشرواه

في مدح ابو هادي تزين التماثيل
جعل الردي ياناعس الطرف يفداه

الشاعر / مساعد ضعيان البدراني
بمناسبة المولودة الجديدة سـيـلا جعلها الله من مواليد السعادة
1439/9/22

————

قالوا تمثل بالجزاله و الابيات
بالمفرده عطنا ابيوت ٍ فريده
من منطلق فكري جديد الجزيلات
من شان غالي تستهل القصيده
من شان ابو هادي زبون الونيات
جتكم مثايل شاعر ٍ من جديده
ومن شان هادي لاعتلى للمهمات
وامه مع اخوانه وكل البديده
اربع نشاما حشام واربع ابنيات
قدوتهن اكبرهن ولا هي بليده
نالت وحازت عز كل الشهادات
تحققت باذن الولي ما تريده
دكتورتن قامت تحدى الطبيبات
طبيبتن تفخر بذاك الوليده
عساك يامحمد بروس الطويلات
دايم حياتك يالبناخي سعيده
واقسم لكم بالله رب السماوات
المطلع بالخافيه و الشهيده
اني صدوق ٍ بالجزال الجديدات
واني على الهقوه بواف الوعيده
واقبل من بناخيك كل التحيات
والعهد والتجديد وسط القصيده
1439/9/21
اخوك / هابس بن عبدالله ابن مغاط العلوي

————-

قــصـائـد مـهـداة لـرجـل الاعـمال مـحـمـد p_887pgujb0.jpeg

سيلا جمالك غير وأطلالتك غير
يجمل بنات الكون حسن ودلالي
يغار من زينك جميع الغنادير
والشعر مايصفك وصفك خيالي
ياعين حرن لانتهض قبل مايطير
طلعه حقوق ونظرته لشمالي
يابنت شيخٍ ماحسب للمخاسير
من الجزاله لاعطى مايبالي
له مجلسً ملفى الرجال المشاهير
والعود يتبع من يصب الدلالي
محمد ولدهادي عشير المناعير
ابن على طيبه قديمً وتالي
من روس حرب اللي تهز الطوابير
أهل الفعول المعجزه والجزالي
أسمه كتب ظمن الرجال المشاهير
كامل ولله العزيز الكمالي
الشاعر علي بن محمد الجضعان الفريدي
اهداء لصديقه محمد هادي العلوي بمناسبة المولودة سيلا
1439/9/19


————


قــصـائـد مـهـداة لـرجـل الاعـمال مـحـمـد p_849q3y0b0.jpeg
1439/8/13 هـ

———

قصيده موجهه لرجل الاعمال محمد بن هادي العلوي الحربي
من الشاعر فهد هجاج البشري

قــصـائـد مـهـداة لـرجـل الاعـمال مـحـمـد p_841gqe7d0.jpeg


رفيقي اللي عنه لي عشرة اعوام..
مانكر قوانين الوفا والاخوّه..
وماغيرت من منهجه بيض الايام..
باقي على نهج الوفا والمروّه..
هذا بن هادي نظرته دوم قدام..
يوم اتكلم عن فعوله وانوّه..
على المراجل ملزم نفسه إلزام..
من سالف الايام ماهوب توه..
نشأ على الفزعه وتحقيق الاحلام..
وطيبه تطور مع مراحل نموه..
لاجاه مهمومِ من الوقت منظام..
ومتعكّرٍ من جور الايام جوه..
اهتم بالموضوع بادراك وإلمام..
وتحركت عنده خلايا الحموّه..
وقام وتقدم وابو هادي ليا قام..
ينسف همومه مثل نسف العبوّه..
وفي قول كلمة (مرحبا)مغرم إغرام..
وظلع الكرم متربعٍ في علوّه..
اسمه يشرّف يوم يذكر بالاعلام..
ويدحم على شان القبيله بقوه..
مثل السحاب اللي يجي له ترزّام..
وثل المحيط الاطلسي في هدوّه..
عساه يبقى درع مذخور وحزام..
وخيره يزود ويخزي الله عدوه..

الشاعر /
فهد بن هجاج البشري
الجمعة 1439/8/4 هـ

https://youtu.be/wHb3e_3S5FY

.............


الامـداح في محمد تـفخر على طـاريه
وهـو راعي الخـوه وهـو راعي الوقفـات

ولو جيت ابا اسمّيه انا ويش ابـا اسميه
سوى راعي الطولات والطيب والفزعات

ليا قـيـل ابن هادي قـام الفـخر يـدعـيه
سلـيـل الـرجـال اللي لها فـالـعـلا رايـات

ويـنـصاه من هـم الـزمن والقسى حاديه
هو اللي بـعـد رب المـلا يفرج الضيقات

لـيـا قـــال عـلــمً مـايــرده ولا يــثــنـيـه
كـريـم اليدين وطـيـب الـمرجله والذات

وتـسـتـاهـل الامـداح والشـعـر يـاراعـيـه
هـقـيـنا بمثـلـك بـس ماخـابت الهقوات

اهداء لرجل الاعمال محمد هادي العلوي
الشاعر / ابراهيم ثامر العتيبي 1439/8/19

.............

https://youtu.be/iGRKD10cw-g

قصيدة مهداة من الشاعر بندر عبدالله الصالحي الحربي
في رجل الاعمال محمد هادي السبيق العلوي
1439/8/14 هـ

——————-

البي الدعوه لراع المواقيف
اللي على الميقاف حاضر ويافي
محمد ولد هادي كثير المعاريف
مدهال للضيفان حر سنافي
شرفتنا يالقرم بالفعل تشريف
على النقا فعلك شريف يشافي
باالبن الاشقر والبغاديد والكيف
وصينيتن فيها سمان الهرافي
عديت راس النايفه با المشاريف
وتعبت حروف الشعر تكتب قوافي
راعي جزاله ماحسبت التكاليف
لاكبرت القاله تحيزم وتافي
تبذل وتعطي ماعليها تحاسيف
ان كانها بميات او با الافي
الله يفكه من شرور وصواديف
اللي على الميقاف حاضر ويافي

الشاعر هابس بن عبدالله العلوي
1439/8/3

...........


https://youtu.be/fSd50cq2FFU
الشاعر عبدالعزيز بن راشد بن سدحان الفريدي


https://youtu.be/lYZkA5TeBHw
الشاعر منصور بن سحلي الملقب بشاعر العرب


https://youtu.be/IvjvvCzGQnU
الشاعر هابس بن عبدالله بن مغاط العلوي


https://youtu.be/3Pq8pNKaDdg
الشاعر راجح المحمدي


https://youtu.be/Udf_jDg998M
الشاعر عيد سمير البشري

——-

سلامي على شيخٍ تفاخر به الامداح
ومدح الرجال اهـل الكرم واجب الزامي
ابو هـادي اللي سيرته عطـرها فوّاح
ومدّات جوده مزنةٍ تروي الضـــامي
لبس درع من كسب الجمايل ولبس وشاح
وراع الفعول الساميه منزله ســامي
1439/7/22
محمد المسعودي ابو عزام / مكة المكرمة

————-

قصيدة مهداة الى رجل الاعمال محمد هادي العلوي :
لاجيت ابمدح شخص ماهو ابممدوح
عيت عليه مفرداتي وشعري
تبي لها رجلا كريمن وزحزوح
يفزع مع المحتاج يعطي ويقري
لياكبرت القاله وشاطت لها فوح
ماصدعنها وعتذرله بعذري
يشيل كل الحمل نشمي وطحطوح
اما بفزعة مال والى بقدري
هذاك ابن هادي له الاسم مشروح
الي بفعله بان والكل يدري
محمدولد هادي ليا نش ضحضوح
هداج تيماء لكل محتاج يطري
اسمن لمع مابين سالم ومسروح
مثل القمر بيامه البيض بدري
ابن علي شيدلها بيت واصروح
معطرن بالمسك ورد وشمطري
بقولها في عالي الصوت بوضوح
الطيب مثل الدم بالعرق يجري
والي على الجزلات والصعب مشفوح
له وافي التقدير مني وشكري
نايف محمد ابن رقوا الوهبي 1439/7/28 هـ
رئيس رقباء ~ مرور بريدة

https://youtu.be/RIDsDDNCmPs

---------

سلام للي يبذل الجهد والمال
راع الوفاء والمرجله والحميه
علوم المراجل شلتها شيلة اجمال
وترسليها يالقرم مرسى طميه
مثل البليهي لثقل الحمل شيال
محمد ولد هادي عزومه قويه
يعل يفدونه طوابير الانذال
اهل العلوم الخايبه والرديه
ارفع له البيضاء على راس ماطال
اللي بوقفاته يجمل خويه
1439/7/23 هـ
سعود بن رجاء بن زقيحان الحنيني الحربي

—————-

https://youtu.be/FZ1fQxzkSlU
قصيدة للشيخ عبدالله ابن عامر الربخ ابن دهيم العلوي
قالها في فلاح و محمد ابناء هادي ابن قعدان العلوي

——

https://youtu.be/JxogalN_pbg
قصيدة للشاعر ناصر بن متروك الحويمضي الحربي
قالها في رجل الاعمال محمد هادي الدهيمي العلوي

ماكل رجل آعمال زيزوم الافعال
وماكل رجل آعمال طيب ودندون
وماكل رجل اعمال نادر ورجال
هذا الصحيح وقولو اللي تقولون
إلا ولد هادي من آرجال الاعمال
اللي فعايلهم بها الناس يدرون
محمد لربعه ومن جاله آضلال
وباسمه جميع آهل المروه يشيدون
في كل وقت وبابه معرب الخال
فاتح وقدامه عياله يهلون
ومجلسه لاهل الطيب راحه ومدهال
وضيفان بيته كل ساعه يزيدون
وآهل الوفاء لصيرمي طيب الفال
على كرمه وذكره الزين يلفون
والناس عنده تاجد آنواع وآشكال
هذآ لفى زآئر وهذآك مديون
وهذا حصله من عنا الوقت غربال
وهذا يبى من جاهه آيفك مسجون
ومحمد بمدحه يعجزن الاقوال
وكل البشر من طيبته يستفيدون
يضرب على الكايد ولاعنده آشكال
هذا كلام الصدق وابليس ملعون
وان جاء نهاراً فيه صوله للابطال
نلقاه سيفن يدمر اللي يعيلون
1439/7/13
ناصر متروك الحويمضي

——

ابو هادي مايمد الا العطايا الجزله
مايمداﻻ الجزال اللي ترد الفاقه

يامحمد ياعدو الناقصه والهزله
والله انك مثل غيثن يشتعل براقه

المدح بالشعر اللي مده وانا معتزله
لكن انت ان مامدحتك صار شعري عاقه

هيلعيا بالعلوم الطيبه يوعزله
تستحق اهدي عليك من القصايد باقه

الشاعر عوض ناصر الفريدي
1439/7/11

——-

قصيدة مهداة من الشاعر راجح المحمدي
الى رجل الاعمال
محمد هادي العلوي
1439/3/7

https://youtu.be/PCn2H4UMmHU

سَلام يا مـحمـد سلام المودّه
أصـدَق من خيـالٍ سِـبق بارقه ماه
وأحلى من اللي قـنـوهـا تـوّ جده
غـرّاسـه اللـي من غـرسها يـتـحـرّاه
والقاف جودك هو سبايب مشدّه
يـاللـي يـمينـك بالـعطايـا مـضـرّاه
يافزعة اللي بيّح الوقت سدّه
ياحزام من حدّه زمانه على اقصاه
ياعون من واصل به الصبر حَدّه
يــادرع مـن لاعـنّـه ظـروف دنـيــاه
عِدٍ لصعبات المواقف نعدّه
محزم ظفر في ساعة الضيق تلقاه
الجود كفّك يالدهيمي يمدّه
والله يـبـيّـض وجه مـن ذي مـزايــاه
حرٍ ينومس بالهداد بمهدّه
مدرك نِـعـم والف ونِـعـم من عرفنـاه
من طيب أبوه وطيب خاله وجدّه
نَــهــج على مـنهـاجـهـم لاعـدمنــاه
حربي وحمول الخيل عدّه وبده
ربـعـك حـمـول الـخيـل يوم المثـاراه
يوم الجهل وسنينه المجرهده
بـنـي عَـلـي يـمّـن من يـلوذ بحمــاه
واليوم بحكم محطمين الاشدّه
الجاهـليـه من لـفى مـعـزّي أفـنــاه
مبنى الجهل بالعلم جاله وهدّه
حـاكم حـكـمـهـا بالعدل والمـسـاواه
من طيب حكمه كل شعبه يودّه
يــالله لـعـلّ بـجـنّـة الـخـلـد مـثــواه
وسابع ملك وصفه ومثله نعدّه
ســلمــان أخو نوره دروبه مـخــلّاه
أما الثـنـا واجب علينا نردّه
ويـازيـن مــردود الــثـنـا قَـبل طريـاه


====


حفل استقبال رجل الاعمال محمد هادي العلوي لاعيان
من الذوايده من عنزه من دولة الكويت في 1438/7/24 هـ


تصوير جوده عاليه
https://www.youtube.com/watch?v=URu5Y-Uer0Y

تصوير جوده منخفضه
https://www.youtube.com/watch?v=hpSf-zCMAOU


===========


قصيدة الشاعر المعروف جزاء بن صالح الحربي
في رجل الاعمال محمد هادي العلوي واخيه فلاح أثناء زيارة
الشاعر لمنزل محمد بن هادي العلوي في مدينة بريدة مع الشيخ
عبدالله بن عامر ابن دهيم من دولة الكويت عام 1436


https://youtu.be/lb6PhxPaIBk


===========

قصيدة للشاعر :عادل دحيلان الحربي مهداة الى
رجل الاعمال محمد هادي العلوي


https://m.youtube.com/watch?v=HyfuZzToCoI


========


قصيدة مهداه الى محمد هادي العلوي الحربي
من الشاعر بندر عبدالله الصالحي الحربي


https://youtu.be/EzNCdInkaL4


========

اهداء لرجل الأعمال / محمد بن هادي العلوي
كلمات الشاعر // عيسى عبد الله الفريدي اداء//حزام العويصي



https://m.youtube.com/watch?v=0O-k_U...ature=youtu.be



=====


قصيدة مهداه من الشاعر علي بن عبدالله القبع الحربي
في رجل الاعمال محمد بن هادي العلوي


https://youtu.be/32xn1CLPJ3s

=====

قصيده من الشاعر بندر عبدالله الصالحي الحربي
ابو حاكم مهديها الى محمد بن هادي العلوي الحربي ابو هادي



https://youtu.be/c2g6hwuZLbQ



====

قصيدة الشاعر هابس العلوي بحفل زواج
رجل الاعمال محمد هادي العلوي وبحضور الشيخ محمد بن عبدالمحسن الفرم شيخ قبيلة بي علي من حرب بتاريخ 1436/12/25



https://youtu.be/_GsWmNM2jG8



=====

قصائد مهداه من الشاعر علي بن عبدالله القبع الحربي
لرجل الاعمال محمد هادي العلوي



https://youtu.be/vy0RF3odAMo


-------

قصيدة مدح للشاعر هابس بن عبدالله العلوي في
رجل الاعمال محمد بن هادي العلوي 1437


https://youtu.be/KAqt8nNzs2w


-----------

قصيدة مدح للشاعر عوض بن ناصر الفريدي
في رجل الاعمال محمد بن هادي العلوي الحربي 1437


https://youtu.be/8Gy7BS466d8

--------

قصيدة مدح للشاعر عادل دحيلان الضعيني
في رجل الاعمال محمد هادي العلوي الحربي



https://youtu.be/sFnlFUIRfxE


-----


قصيدة مهداه الى / محمد هادي العلوي الحربي من الشاعر
بندر بن عبدالله الصالحي الحربي
1438/7/11

https://youtu.be/NNX_yB-HaaY

ماهي غريبه على محمد ابن هادي
ماهي غريبه يسويها ويفعلها
الوافي يبين لا جاء العلم متقادي
وإلا المهابيل كل شين ايكسلها
لا صرت من روس قوم وراسك قيادي
لو هي على حد نجم سهيل تاصلها
والله وسبعين نعم وحقك البادي
كل القبيله يابو هادي مجملها
بين الكواكب اسهيل امام الأشهادي
يكف كل النجوم ويمشي اولها
بني علي روس عز ومجدن اريادي
احمول خيلن شهيراتن فعايلها
يوم الليالي شحوب اوجيه وطرادي
وديارهم غيرهم محدن ابينزلها
ركنن من اركون حرب بكل ميعادي
في ديرتن تحترم واجب قبايلها
المملكة للرجال اشعار واسنادي
دارن علينا كثيراتن فضايلها
في ضل ال سعود روس املوك البلادي
الشجره اللي عسى الله مايـبـدلها
حنا لهم كالعصى اللي وسط الأيادي
على الولاء والخليقه مانجاملها
واللي تملك اشجوني واثلج فوادي
له كلمة الشكر والتقدير اسجلها
عبر القنوات بالتلفاز والرادي
عبر الفضاء اثير موجاته تناقلها
هذا محمد سليل ازحول الأمجادي
يبين لا غاب ناقضها وفاتلها
نسيب وحزام طيب وغايت امرادي
واعلومه الطيبه هالت هوايلها
وقفاته اشبه بسيل ضك بالوادي
من مزنتن هلت المغرب همايلها
هلت على الضلع حتى جاك متحادي
لو السروات قدمه جاك شايلها
اقولها واتشرف يابن الأجدادي
الطيبه كيف نسمعها ونجهلها
الطيب فعله سوات النار وقادي
يرفع ارقاب النشاما ماينزلها
والمال نعمه ونقمه والله الهادي
والناس تعرف وفاها من تعاملها
وختامها زعفران الهند والكادي
اسوقها من يميني وانت كفو إلها
من لا يثور الشعور بقلبه اجمادي
سوالف الناس قيمتها تداولها
بكره تدور العلوم وكلن ينادي
بالحاجه اللي من اصحابه يقابلها
والمعذره عن قصور العلم يااستادي
الناقصه بينا الرفقه تكملها
شاعر واحد الخصوم ويصعب اعنادي
واخاطب الناس جاهلها وعاقلها
وإليا دعاني وجودي عفت مقعادي
عن عزوتي حرب واجبتي ما اجلها
من ضمن صفن يهز صفوف الاعادي
ربعي لياجا العلم يشملني مايشملها
الشاعر بندر عبدالله الصالحي الحربي


---------



دعوة الطيب لها قدرن وقيمه
امرها في خاطري ماهو بعادي

أحضر مشارك ملبي للعزيمه
بالبيوت اللي مثل حد الهنادي.

عند راع الجود واليمنى الكريمه
حفلته تحسب من ايام الاعيادي

الكفو رمز المواقيف العضيمه
شرفوه الناس من حضر وبوادي

عد ماهلت على الأوطان ديمه
مرحبا في مرحبا عند ابوهادي.

الشاعر علي سالم الحربي

---------

يامرحبا يالنشاما عند ابو هادي
محمد اللي بوقفاته ضهر صيته

رفيق في حزت الشده ماهو عادي
اقولها واتشرف يوم خاوته

ﻻزم خويه على نفسه هو البادي
قولن عليه الدﻻيل من تثابيته

وﻻهي غريبه على شرواه اﻻمجادي
اصل الكرم والوفا والمرجله بيته

من ساس ناسا لهم تاريخ وشدادي
وانا اعتبر مدحته نورا وعديته

ومبروك مبروك لك ياقرم اﻻوﻻدي
الشمعه اللي ببيتك نورة ليته

الشاعر عوض ابن ناصر الحربي

------

مرحبا حياكم الله والتحية::
عند شيخٍ ماتهاون في وصاته::

بإذن ربي ماتونا والوصية ::
جاتني من شيخ تعجز منجزاته؛:

ياسمي الهاشمي حقك عليه::
قاف من راسي يشوق بمفرداته::

شيخ عرف وشيخ طيب وبالحمية::
أشهد انه سيف ماتقرب شباته؛:

ابوهادي له مكان ومقدريه::
ماتلحف عن لزومه في عباته::

الردىٰ عن جانبه مبعد نويه::
والوفاء والطيب ميزه من صفاته::

من قبيلة حرب ياحي اأسميه::
سالم ومسروح والعلم بثباته::

للمعادي سم صل وسم حية::
ولصديق الذ من سكر نباته::

ماتهجس بالمدايح عنصرية::
كل فعلٍ مثبتاته شاهداته::

أفخري به يابنان بكل هية::
بارك الله للقبيلة في حياته::

والبداية والنهاية بالتحيه
السلام ورحمة الله بركاته::

الشاعر علي عبدالله القبع

-----------------

مرحبا ترحيب وافي بالبعيد وبالقرابه::
بسم ابو هادي محمد مرحبا حياكم الله ::

مرحبا حياكم الله عد همال السحابه::
ثالث الاعياد شوفتكم وتشريفة محله::

الرفيق اليادعاني ماتونا بالاجابه::
والقوافي ليا ذكرت اسمه بشفي ساوقن له

من حمول الخيل فرسان المعارك والمهابه::
والقبيلة حرب ساس العز والطاله جبله::

سالم ومسروح ربعي سيف مصقولٍ نصابه::
سعد منهم بالنشايب والحرايب فزعتٍ له::

النشايب كم سجين بفعلهم ينفك بابه::
والحرايب كم شجيعٍ مات وإلا انكف بذله::

دون قاصر بالقبايل والكلام أحسب حسابه::
ماني اللي اليا تكلم جاب قولٍ مافطن له::

كم شجيعٍ حط روحه دون ميقافه جلابه::
جاه والا مال والا حد مصقولٍ يسله::

الضلايم ليلٍ أسود سرمدي ماينسرابه::
والحقيقه نورٍ ابيض واسمحو عن كل زله::

الشاعر/ علي عبدالله القبع

---------

المدح لولا فاعل الطيب ماشاع
والطيب لولا الفعل ماحدٍ درابه
يستاهل اللي بالمواجيب له باع
يفرح ليا جاله صديق وقرابه
هذاك ابو هادي على الخير زراع
يفرح ليا شاركت زاد وشرابه

هابس بن عبدالله العلوي

==============

قصيدة الشاعر المعروف جزاء بن صالح الحربي بفلاح
و محمد هادي العلوي اثناء زيارة الشاعر لمنزل محمد بن هادي
العلوي في مدينة بريدة مع الشيخ عبدالله بن عامر ابن دهيم
من دولة الكويت


قــصـائـد مـهـداة لـرجـل الاعـمال مـحـمـد 726157804.jpg

==============

قصيدة للشاعر نايض محمد الرشيدي
مدح في محمد هادي العلوي الحربي
بتاريخ 1421/10/1 هـ



قــصـائـد مـهـداة لـرجـل الاعـمال مـحـمـد 667049136.jpg

قــصـائـد مـهـداة لـرجـل الاعـمال مـحـمـد 522368586.jpg


-

قــصـائـد مـهـداة لـرجـل الاعـمال مـحـمـد 144692617.jpg

-

قــصـائـد مـهـداة لـرجـل الاعـمال مـحـمـد 803100386.jpg

قــصـائـد مـهـداة لـرجـل الاعـمال مـحـمـد 552647181.jpg

-----


كل ما قـامـت هـجـوسي تســتــعــيــبــي
لـلـرجال اهـل الوفاء سـقـت الـرحـالـي
عـنـد ابـو هـادي تـرا كـيـفـي يـطـيـبـي
عـاش راس الـلـي يــرحب بالـرجـالي
كــل يــومً فـي مـحـلـه ما يــغـــيــبــي
اقـمـحــو يــلـي تـحـسـبـون الـريـالي

( توضيح : تستعيبي اي تسعي بي للوصول الى شي )

الشاعر عوض ناصر الفريدي عام 1420 هجري

———-

اليا نويت انصى من الناس رجال
في لازمٍ ماكل رجلٍ يسده
وجهتها رجل كفو قول وافعال
هو فزعت اللي بيح الوقت سده
محمد الهادي لامن الدهر مال
بعد الله الوالي لزومك يسده
على الصعايب سيف ساطي وقتال
يفداه من لاجاه ضرفك يرده
هو محزم اللي يشتكي قلت المال
اللي وطا وقت الشقا فوق خده
عوض بن مشعل بن ناجم اللهيمقي العلوي
1439/8/12

—-

قــصـائـد مـهـداة لـرجـل الاعـمال مـحـمـد 149660597728111.jpg
قصيدة الشاعر محمد صلاح الحربي
عام 1423 هـ

قــصـائـد مـهـداة لـرجـل الاعـمال مـحـمـد 878173850.jpg

-----

( قصيده مرسله من احد المعارف )

فزيت من نومي توتر ومفزوع

برسالة ٍ جتني تبي تفرح عداي

تهديد بالتوقيف مهله لي سبوع

الى خداماتي والى الرايح الجاي

يالحاتمي تكفى نخيتك بموضوع

قيمة تحمل حادث للهونداي

وانته يابو هادي لنا حصن ودروع

وظلال بعد الله واقرب دناياي

وكفوفك البيضا بها الخير مزروع

تشبه بمداتك مثل حاتم الطاي

يالمحزم المليان يامشبّع الجوع

ملفى النشاما بالمجالس و ملفاي
ودعمك لنا دايم مثبت و مطبوع

مطبوع وسط القلب واباوسط عضاي

وعلمك معي غانم ابمثنى ومربوع

ولانساه قبل الموت عايش بمحياي

واقبل تحياتي عدد نبُع ينبوع

بها الوفا والطيب من صغر مبداي

---------

قصيدة ترحيب للشاعر عوض
ناصر الفريدي بالاستاذ علي الصالحي مدير مكتب العمل بالقصيم
عند دعوة محمد هادي العلوي له لزيارته في منزله ببريدة


قــصـائـد مـهـداة لـرجـل الاعـمال مـحـمـد m_666ih3fe1.bmp

https://www.063853456.com/vb/t718.html
اضغط هنا رابط صـور وذكـريـات قـديـمـة
[/L]

[/SIZE]

.



rJJwJhzJ] lJiJ]hm gJv[Jg hghuJlhg lJpJlJ] iJJh]d hgJJuJJgJ,d hov jp]de 1442L12L17 iJ

رد مع اقتباس
  #2  
قديم 18-Nov-2017
الصورة الرمزية ركن الامانه
صاحب المكتب
 
تاريخ التسجيل: Dec 2006
المشاركات: 72
افتراضي


اضغط على الرابط






صور شخصية خاصة قديمة وحديثة لـ

مـحــمـد بـن هــادي الـعـلـوي


https://www.063853456.com/vb/t718.html





.



————

https://twitter.com/m_alharbi_1968/s...57772914663424

الاخ محمد غربي الذايدي والاخ محمد عوض الذايدي والاخ المهندس فواز فهد الذايدي
يكرمون محمد هادي العلوي الحربي في مخيم الذوايدة بدولة الكويت


---------

‏رجل الاعمال محمد هادي العلوي يكرم الشاعر نايف محمد ابن رقوا الوهبي

https://t.co/TCs7Ml94kH?ssr=true

https://twitter.com/harb1010/status/...313728512?s=21

https://twitter.com/shababharb/statu...395094016?s=12

——-


شباب قبيلة حرب بالسعودية والخليج
@shababharb
عبدالله ضيغم الغرابي الحربي يستضيف في متحفه بمدينة دخنه رجل الاعمال محمد بن هادي السبيق
والشيخ مساعد بن ذعار الذويبي
وعددا من الشعراء
وقد شاهدوا متحف الضيغم في دخنة ومايحتوي عليه من السيارات الكلاسيكية والقطع الاثرية النادرة والاسلحة القديمة وكثير من المقتنيات المتنوعه

https://twitter.com/shababharb/statu...510810114?s=12


https://twitter.com/shababharb/statu...410099712?s=12

الاستاذ عبدالله ضيغم الغرابي يستضيف عدد من الاعيان بمتحفه الاثري بـ دخنه - صحيفة حرب الإعلامية

https://twitter.com/harb1010/status/...556189697?s=21


.......


شكر وعرفان من سليمان حميد العمري لـ رجل الاعمال محمد هادي العلوي - صحيفة حرب الإعلامية


.........


‏رجل الاعمال محمد هادي العلوي يستضيف الشاعر فهد هجاج البشري وعدد من الشعراء في ديوانيته في بريدة 1439/8/3

https://t.co/JBPQ4rdF7U


......


رجل الاعمال محمد هادي العلوي يستضيف عدد من الاعيان والوجهاء والشعراء
https://t.co/09RbO218AI


-

رجل الاعمال محمد هادي العلوي يكرم الشاعر راجح المحمدي

رجل الاعمال محمد هادي العلوي يكرم الشاعر راجح المحمدي - صحيفة حرب الإعلامية

https://twitter.com/harb1010/status/936902748724793346

.

( صحيفة حرب الإعلامية ) : إستضاف رجل الاعمال محمد هادي العلوي بمنزله ببريده الشاعر عيد سمير البشري وحضر اللقاء عدد من الاصدقاء
https://t.co/Xx8Re5C17m


https://twitter.com/harb1010/status/...365549058?s=21

.

رجل الاعمال محمد هادي العلوي يستضيف عدد من أعيان الذوايده من قبيلة عنزه من دولة الكويت

https://twitter.com/harb1010/status/857681085500710916


https://www.063853456.com/vb/t697.html

.

الشيخ المقدم راكان بن ماجد بن عبدالله بن مضيان بضيافة رجل الأعمال محمد هادي العلوي
الشيخ راكان بن ماجد بن مضيان بضيافة رجل الأعمال محمد هادي العلوي - صحيفة حرب الإعلامية

.

( صحيفة حرب الإعلامية ) : استضاف الشيخ محمد هادي العلوى بـ إستراحته بـ بريدة العقيد تركي بن نايف المقهوي المطيري مدير امن الطرق والرائد متعب العوفي
الشيخ محمد هادي العلوي يستضيف العقيد تركي المقهوي المطيري والرائد متعب العوفي - صحيفة حرب الإعلامية

.

رجل الاعمال محمد هادي العلوي يكرم الشاعر علي سالم القبع بمنزله ببريدة
https://mobile.twitter.com/harb1010/...48998576791552

.

رجل الأعمال محمد هادي العلوي يبايع و يهنئ " الأمير محمد بن سلمان بعد اختياره ولياً للعهد

رجل الأعمال محمد هادي العلوي يبايع و يهنئ " الأمير محمد بن سلمان بعد اختياره ولياً للعهد - صحيفة حرب الإعلامية

.

رجل الأعمال محمد بن هادي العلوي يحتفي بـ رجل الأعمال محيا بن غلاب العتيبي
رجل الأعمال محمد بن هادي العلوي يحتفي بـ رجل الأعمال محيا بن غلاب العتيبي - صحيفة حرب الإعلامية

.

الشيخ محمد هادي العلوي يحتفل بعقد قرآنه على كريمة الشيخ مطر الوسوس

الشيخ محمد هادي العلوي يحتفل بعقد قرآنه على كريمة الشيخ مطر الوسوس - صحيفة حرب الإعلامية

.

الشيخ محمد هادي العلوي يستضيف الشيخ عبدالله الربخ والشيخ راشد الربخ والشاعر المعروف جزاء بن صالح الحربي
الشيخ محمد هادي العلوي يستضيف الشيخ عبدالله الربخ والشيخ راشد الربخ والشاعر جزاء الحربي - صحيفة حرب الإعلامية

.

رجل الأعمال محمد هادي العلوي يقيم حفلاً بمناسبة نقل عمل أبنه هادي

رجل الأعمال محمد هادي العلوي يقيم حفلاً بمناسبة نقل عمل أبنه هادي - صحيفة حرب الإعلامية

.

رجل الأعمال محمد هادي العلوي يحتفل بمناسبة حصول أبنته حنان على بكالوريوس طب وجراحة الأسنان
رجل الأعمال محمد هادي العلوي يحتفل بمناسبة حصول أبنته حنان على بكارلوريس طب وجراحة الأسنان - صحيفة حرب الإعلامية

.


رجل الاعمال محمد هادي العلوي يقيم حفل تمايم لإبنته بنان بقصر الموركس للاحتفالات بحضور عدد من الوجهاء والأعيان

https://harb10.com/news-action-show-id-11592.htm

.

رجل الأعمال الشيخ محمد هادي العلوي يحتفل بزواجه
رجل الأعمال الشيخ محمد هادي العلوي يحتفل بزواجه - صحيفة حرب الإعلامية

.


الاستاذ محمد هادي العلوي يحتفل بزواجه
الاستاذ محمد هادي العلوي يحتفل بزواجه - صحيفة حرب الإعلامية



رد مع اقتباس
إضافة رد

قــصـائـد مـهـداة لـرجـل الاعـمال مـحـمـد هــادي الــعــلـوي اخر تحديث 1442/12/17 هـ


أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 04:51 PM.



Powered by vBulletin
Copyright ©2000 - 2024, Jelsoft Enterprises Ltd
 

SEO by vBSEO

1 2 3 4 5 6 7 8 9